வல்லாரை குடிநீர்

வல்லாரை குடிநீர்

  June 28, 2016    Ponnuvel Pandian

---

எல்லா நோய்களுக்கும் கொடுக்கப்படும் மருந்தில் முதல் மருந்தாகவும், துணை மருந்தாகவும் இருப்பது வல்லாரை.

இதனை சரஸ்வதி மூலிகை என்று அழைக்கின்றனர். இது மூளைக்கும், அதன் செயல்பாட்டிற்கும் அதாவது அறிவுத் திறனுக்கும், ஞாபக சக்திக்கும் ஏற்ற மூலிகையாகும்.

காயவைத்த வல்லாரை பொடியை நீரில் போட்டு கொதிக்க வைத்து அனைவரும் அருந்தலாம்.

இது ஞாபக சக்தியைத் தூண்டுவதுடன், பித்த அதிகரிப்பைக் குறைக்கும். இரத்தத்தில் ஏற்படும் இரும்புச் சத்துக் குறைபாட்டைப் போக்கி இரத்தச் சோகையை நீக்கும். நரம்புகளுக்கு புத்துணர்வு கொடுக்கும். தொழுநோய், யானைக் கால் நோய், மூலம், மூட்டுவலி போன்றவற்றிற்கு சிறந்த மருந்தாகும்.

Read More

துளசி குடிநீர்

துளசி குடிநீர்

  June 28, 2016    Ponnuvel Pandian

---

துளசி நமக்கு அருமருந்தாகும். துளசி இலையுடன் சீரகம் சேர்த்து நீரில் கொதிக்க வைத்து குடிநீராக அருந்தி வந்தால் உடலுக்கு பல நன்மைகள் உண்டு.

அடிக்கடி வெளியூர் பயணம் செய்பவர் களுக்கும், வெயில் மற்றும் மழைக்காலங்களில் அலைந்து திரிபவர்களுக்கு துளசி குடிநீர் அருமருந்தாகும். இது உடற்சூடு, பித்தம் போன்றவற்றைத் தணிக்க கூடியது.

டைபாய்டு, மஞ்சள்காமாலை, மலேரியா, காலரா நோய்கள் ஏற்படாமல் தடுக்கும். தொண்டைச்சளி, வறட்டு இருமல், புகைச்சல், தலையில் நீர் கோர்த்தல், அடிக்கடி தும்மல் போன்றவற்றைப் போக்கும். இரத்தத்தில் உள்ள சளியை நீக்கி இரத்தத்தை சுத்தப்படுத்தும்.

ஆண்கள் துளசியை அளவாக பயன்படுத்துவது நல்லது. இது ஆண்மையை கட்டுபடுத்தும் தன்மை கொண்டது. 

Read More

ஆவாரம்பூ குடிநீர்

ஆவாரம்பூ குடிநீர்

  June 28, 2016    Ponnuvel Pandian

---

"ஆவாரை பூத்திருக்க சாவாரைக் கண்டதுண்டோ..."

என்ற மருத்துவப் பழமொழி உண்டு. ஆவாரம்பூ எண்ணற்ற மருத்துவ குணங்களைக் கொண்டது. இது நோய்களைக் குணப்படுத்துவதால் நோயினால் மனிதன் இறப்பதை தடுக்கிறது. இன்றைய உலக மக்கள் தொகையில் பாதிபேர் சர்க்கரை நோயால் அவதிப்படுகின்றனர். இந்த சர்க்கரை நோயைக் கட்டுப்படுத்தும் குணம் ஆவாரைக்கு உண்டு. மேலும் மேனிக்கு தங்க நிறத்தைக் கொடுக்கும் தங்கநிறப் பூவும் இதுதான்.

நீரில் ஆவாரம் பூக்கள் அல்லது காயவைத்த ஆவாரம்பூ பொடி சேர்த்து கொதிக்க வைத்து வடிகட்டி, குடிநீராக அருந்தி வரலாம்.

இது உடல் சூடு, பித்த அதிகரிப்பு, நீர்க்கடுப்பு, அதிக உதிரப்போக்கு, ஒழுங்கற்ற மாதவிடாய், குடற்புண் வயிற்றுப்புண் போன்றவை நீங்கும்.

நீரிழிவு நோயாளிக்கு இது மிகவும் சிறந்த மூலிகைக் குடிநீர் ஆகும்.

இரத்தத்தைச் சுத்தப்படுத்தும், உடலில் உள்ள தேவையற்ற கழிவுகளை வியர்வை மூலம் வெளியேற்றி,சருமத்திற்கு மினுமினுப்பைக் கொடுக்கும்.

பெண்களுக்கு உண்டாகும் வெள்ளைப் படுதலை அறவே நீக்கும்.

இதனைத் தொடர்ந்து அருந்திவந்தால், உடலை நோயின்றி ஆரோக்கி யமாக வைத்துக் கொள்ளலாம்.

Read More

என்ன கற்றுக் கொண்டோம்? என்ன கற்றுக் கொடுக்கிறோம்?

என்ன கற்றுக் கொண்டோம்? என்ன கற்றுக் கொடுக்கிறோம்?

  June 24, 2016    Ponnuvel Pandian

---

எழுத்தாளர் ஜெயகாந்தன் அவர்களின் கதை...

ஒரு கால் இல்லாத இளைஞன் ஒருவன். அம்மாவுடன் வசித்து வருவான். 

கால் இல்லாத ஊனமும் தனிமையும் அவனை வாட்டும். 

ஒரு சமயம், 

அம்மாவோடு பேருந்தில் போகும்போது லேடீஸ் சீட்டில் உட்கார்ந்திருப்பான். 

ஒரு பெண்மணி அவனைக் கண்டபடி திட்டும். 

அவன் உடனே எழ, அவனுக்கு கால் இல்லாததைப் பார்த்து திட்டியவள் 'ஸாரி’ கேட்பாள். அது அவனுக்குப் பெரிய துயரத்தைத் தரும். 

ஒரு கட்டத்தில் அவன் தற்கொலை செய்ய முடிவெடுத்து, வீட்டுக்குப் பக்கத்தில் உள்ள ரயில்வே டிராக்கில் போய் படுத்து கிடக்கிறான். ரயில் வருகிற நேரம்...

ஒரு 'குஷ்டரோகி' பிச்சைக்காரன், அந்த இளைஞனை பார்த்து ஓடி வந்து காப்பாற்றி விடுகிறான். 

பின், பக்கத்தில் இருக்கும் ஒரு கல் மண்டபத்துக்கு அழைத்துப் போய் அந்த இளைஞனிடம் சொல்கிறான், "நான் ஒரு குஷ்டரோகி... எப்பிடி இருக்கேன்னு பார்த்தியா... இப்படி தான் அன்னைக்கு கூட ரயில்ல விழப்போன ஒரு கொழந்தையக் காப்பாத்தினேன்... அந்தம்மா வந்து கொழந்தைய வாங்கிட்டு நன்றி சொல்லாம என்னைத் திட்டிட்டுப் போனாங்க... அவ்வளவு அருவருப்பா இருக்கேன் நான்.  அப்படி பட்ட நானே உயிரோட இருக்கும் போது... உனக்கெல்லாம் என்ன இந்த கால் ஊனம் பெரிய குறையா?...’ என அறிவுரை கூறி அந்த இளைஞனின் நம்பிக்கையை தூண்டி விடுகிறான். 

தற்கொலை முயற்சியை விட்டுவிட்டு வாழ்க்கையின் மீதான புதிய நம்பிக்கைகளோடு தூங்குகிறான் ஊனமுற்றவன். காலையில் பார்த்தால் ரயில்வே டிராக்கில் யாரோ விழுந்து செத்திருப்பார்கள். அந்த இளைஞன்தான் செத்துப்போய் விட்டான் எனப் பயந்து ஓடி வருகிறாள் அவன் அம்மா. 

"அம்மா... நான் இருக்கிறேன் அம்மா..." என அந்த இளைஞன் கத்திக்கொண்டே வருகிறான். ஆனால், அங்கே அந்த குஷ்டரோகி பிச்சைக்காரன் செத்துக்கிடக்கிறான்.

முந்தைய இரவு அந்த இளைஞன் தூங்கிய பிறகு அந்த பிச்சைக்காரன் "இப்படிப்பட்ட ஒருவனே இந்த சமூகத்தில் வாழக் கூச்சப்பட்டு சாக நினைக் கிறான்... நாம இவ்வளவு அவமானங்களுக்கு நடுவிலே இப்படி வாழ்கிறோமே..." என யோசித்ததினாலே தண்டவாளத்தில் குதித்திருப்பான்...

செத்துப்போன குஷ்டரோகியை பார்த்து அந்த இளைஞன் சொல்கிறான், "அம்மா...! அவன் எனக்கு வாழக் கத்துக்கொடுத்தான்... நான் அவனுக்கு சாகக் கத்துக் கொடுத்துட்டேன்...!" என கதறி அழுகிறான். 

ஆகவே நாம், நம் சக மனிதர்களுக்கு எதைக் கற்றுத் தரப்போகிறோம் என்பதில்தான் இருக்கிறது நம் வாழ்க்கையின் அர்த்தம்!

-நல்லதையே கற்றுத் தருவோம்...

Read More

நட்சத்திரங்களும் ராசிகளும்

நட்சத்திரங்களும் ராசிகளும்

  June 23, 2016    Ponnuvel Pandian

---

27 நட்சத்திரங்களும் 4 பாதங்களைக் கொண்டுள்ளது.

ஆக மொத்தம் 108 நற்பண்புகள் உள்ளன.

அவை 12 வகைகளாக பிறிக்கப்படுகிறது. 

அதுவே 12 இராசி மண்டலமாகும்.

அவை:

1. மேஷம்

2. ரிஷபம்

3. மிதுனம்

4. கடகம்

5. சிம்மம்

6. கன்னி

7. துலாம்

8. விருச்சிகம்

9. தனுசு

10. மகரம்

11. கும்பம்

12. மீனம்

ஒவ்வொரு இராசி மண்டலமும் தனித்துவம் வாய்ந்தவை. அதன் சிறப்பம்சங்களை பட்டியலாக கீழே கொடுக்கப்பட்டுள்ளது.

மேஷம்:

1. வைராக்கியம் (Assertiveness)

2. தேசநலன் (Citizenship)

3. நிறைவேற்றுதல் (Chivalry)

4. துணிச்சல் (Courage)

5. கீழ்படிதல் (Obedience)

6. வெளிப்படையாக (Openness)

7. ஒழுங்குமுறை (Order)

8. ஏற்றுக்கொள்ளுதல் (Acceptance)

9. ஆன்மிகம் (Spirituality)

மேஷராசி மண்டலமானது ஜீரண மண்டலத்தின் ஆதாரமாகும்

ரிஷபம்:

1. கருணை (Mercy)

2. இரக்கம் (Compassion)

3. காரணம் அறிதல் (Consideration)

4. அக்கறையுடன் (Mindfulness)

5. பெருந்தன்மை (Endurance)

6. பண்புடைமை (Piety)

7. அஹிம்சை (Non violence)

8. துணையாக (Subsidiarity)

9. சகிப்புத்தன்மை (Tolerance)

ரிஷபராசி மண்டலமானது சிறுநீரக மண்டலத்தின் ஆதாரமாகும்

மிதுனம்:

1. ஆர்வம் (Curiosity)

2. வளைந்து கொடுத்தல் (Flexibility)

3. நகைச்சுவை (Humor)

4. படைப்பிக்கும் கலை (Inventiveness)

5. வழிமுறை (Logic)

6. எழுத்து கற்க பிரியம் (Philomathy)

7. காரணம் (Reason)

8. தந்திரமாக (Tactfulness)

9. புரிந்து கொள்ளுதல் (Understanding)

மிதுனராசி மண்டலமானது நரம்பு மண்டலத்தின் ஆதாரமாகும்.

கடகம்:

1. பிறர் நலம் பேணுதல் ( Altruism )

2. நன்மை செய்ய விரும்புதல் (Benevolence)

3. அறம் (Charity)

4. உதவுகின்ற (Helpfulness)

5. தயாராக இருப்பது (Readiness)

6. ஞாபகம் வைத்தல் (Remembrance)

7. தொண்டு செய்தல் (Service)

8. ஞாபகசக்தி (Tenacity)

9. மன்னித்தல் (Forgiveness)

கடகராசி மண்டலமானது ஐம்புலன் மண்டலத்தின் ஆதாரமாகும்.

சிம்மம்:

1. வாக்குறுதி (Commitment)

2. ஒத்துழைப்பு (Cooperativeness)

3. சுதந்திரம் (Freedom)

4. ஒருங்கிணைத்தல் (Integrity)

5. பொறுப்பு (Responsibility)

6. ஒற்றுமை (Unity)

7. தயாள குணம் (Generosity)

8. இனிமை (Kindness)

9. பகிர்ந்து கொள்ளுதல் (Sharing)

சிம்மராசி மண்டலமானது தசை மண்டலத்தின் ஆதாரமாகும்.

கன்னி:

1. சுத்தமாயிருத்தல் (Cleanliness)

2. அருள் (Charisma)

3. தனித்திருத்தல் (Detachment)

4. சுதந்திரமான நிலை (Independent)

5. தனிநபர் உரிமை (Individualism)

6. தூய்மை (Purity)

7. உண்மையாக (Sincerity)

8. ஸ்திரத்தன்மை (Stability)

9. நல்ஒழுக்கம் (Virtue ethics)

கன்னிராசி மண்டலமானது தோல் மண்டலத்தின் ஆதாரமாகும்.

துலாம்:

1. சமநிலை காத்தல் (Balance)

2. பாரபட்சமின்மை (Candor)

3. மனஉணர்வு (Conscientiousness)

4. உள்ளத்தின் சமநிலை (Equanimity)

5. நியாயம் (Fairness)

6. நடுநிலையாக (Impartiality)

7. நீதி (Justice)

8. நன்னெறி (Morality)

9. நேர்மை (Honesty)

துலாராசி மண்டலமானது சுவாச மண்டலத்தின் ஆதாரமாகும்.

விருச்சிகம்:

1. கவனமாக இருத்தல்(Attention)

2. விழிப்புணர்வுடன் இருத்தல் (Awareness)

3. எச்சரிக்கையாக இருத்தல் (Cautiousness)

4. சீரிய யோசனை (Consideration)

5. பகுத்தரிதல் (Discernment)

6. உள் உணர்வு (Intuition)

7. சிந்தனைமிகுந்த (Thoughtfulness)

8. கண்காணிப்பு (Vigilence)

9. அறிவுநுட்பம் (Wisdom)

விருச்சகராசி மண்டலமானது நிணநீர் மண்டலத்தின் ஆதாரமாகும்.

தனுசு:

1. லட்சியம் (Ambition)

2. திடமான நோக்கம் (Determination)

3. உழைப்பை நேசிப்பது (Diligence)

4. நம்பிக்கையுடன் (Faithfulness)

5. விடாமுயற்சி (Persistence)

6. சாத்தியமாகின்ற (Potential)

7. நம்பிக்கைக்குரிய (Trustworthiness)

8. உறுதி (Confidence)

9. ஊக்கத்துடன் முயற்சி (Perseverance)

தனுசு ராசி மண்டலமானது எலும்பு மண்டலத்தின் ஆதாரமாகும்.

மகரம்:

1. கண்ணியம் (Diginity)

2. சாந்த குணம் (Gentleness)

3. அடக்கம் (Moderation)

4. அமைதி (Peacefulness)

5. சாதுவான (Meekness)

6. மீளும் தன்மை (Resilience)

7. மௌனம் (Silence)

8. பொறுமை (Patience)

9. செழுமை (Wealth)

மகரராசி மண்டலமானது நாளமுள்ள சுரப்பி மண்டலத்தின் ஆதாரமாகும்.

கும்பம்:

1. சுய அதிகாரம் (Autonomy)

2. திருப்தி (Contentment)

3. மரியாதை (Honor)

4. மதிப்புமிக்க (Respectfulness)

5. கட்டுப்படுத்துதல் (Restraint)

6. பொது கட்டுப்பாடு (Solidarity)

7. புலனடக்கம் (Chasity)

8. தற்சார்பு (Self Reliance)

9. சுயமரியாதை (Self-Respect)

கும்பராசி மண்டலமானது நாளமிள்ளா சுரப்பி மண்டலத்தின் ஆதாரமாகும்.

மீனம்:

1. உருவாக்கும் கலை (Creativity)

2. சார்ந்திருத்தல் (Dependability)

3. முன்னறிவு (Foresight)

4. நற்குணம் (Goodness)

5. சந்தோஷம் (Happiness)

6. ஞானம் (Knowledge)

7. நேர்மறை சிந்தனை (Optimism)

8. முன்யோசனை (Prudence)

9. விருந்தோம்பல் (Hospitality)

மீனராசி மண்டலமானது இரத்த ஒட்ட மண்டலத்தின் ஆதாரமாகும்

Read More

குகை நமசிவாயர் ஜீவசமாதி, திருவண்ணாமலை

குகை நமசிவாயர் ஜீவசமாதி, திருவண்ணாமலை

  June 06, 2016    Ponnuvel Pandian

---

படம்: குகை நமசிவாயர் ஜீவசமாதி, திருவண்ணாமலை.

தேவாரப்பாடல் பெற்ற தலங்களில் ஒன்றான திருப்பருப்பதம் என்னும் மல்லிகார்ஜுனத்தில் (ஆந்திர மாநிலம் ஸ்ரீசைலம்) அவதரித்தவர் நமசிவாயர். இவரது தாய்மொழி கன்னடம். லிங்காயத்து எனப்படும் பரம்பரையைச் சேர்ந்தவர். இந்த மரபில் வந்தவர்கள் தீவிர சைவர்கள். ஆண், பெண் என்று இப்பிரிவில் உள்ள அனைவரும் கழுத்தில் சைவ சின்னமான லிங்கத்தை அணிந்திருப்பார்கள். கழுத்தில் இருக்கும் லிங்கத்துக்கே முதல் வழிபாடு நடத்துவார்கள். இளம்வயதில் இருந்தே சிவபக்தியில் திளைத்தார். கல்வி, கேள்விகளில் சிறந்து விளங்கினார். ஒருநாள் கனவில் தோன்றிய சிவபெருமான், நமசிவாயா! தென்திசை நோக்கிப் புறப்பட்டு என்னிடம் வா! என்று கட்டளையிட்டார். தன் சீடர்கள் முந்நூறு பேருடன் அவர் புறப்பட்டார். விரூபாட்சித்தேவர் என்பவர் தலைமைச் சீடராக இருந்தார். வரும் வழியில் ஈசன் தன் திருவிளையாடலைத் தொடங்கினார்.

Read More

தமிழ்தந்த அகத்தியர்

தமிழ்தந்த அகத்தியர்

  June 06, 2016    Ponnuvel Pandian

---

திருமந்திரத்தில் இரண்டாம் தந்திரத்தில் அகத்தியம் என்னும் பிரிவில் திருமூலர் விளக்குகிறார்.

நடுவு நில்லாது இவ்வுலகம் சரிந்து

கெடுகின்ற தெம்பெருமான் என்ன ஈசன்

நடுவுள அங்கி அகத்திய நீபோய்

முடுகிய வையத்து முன்னி ரென்றானே.

அங்கி உதயம் வளர்க்கும் அகத்தியன்

அங்கி உதயஞ்செய் மேல்பா லவனொடு

மங்கி உதய வடபால் தவமுனி

எங்கும் வளங்கொள் இலங்கொளி தானே.

- திருமந்திரம்.-

இவ்வுலக மக்கள் ஆன்ம யோக வழிகளை மறந்து கெடுகிறர்கள். அகத்தியா நீ போய் அவர்களை தெளிவுபடுத்தி நல்வழி காட்டு என்று ஈசன் அகத்தியருக்குச் சொல்கிறார்.

Read More